 |  |  |
 |
Моның өчен ташлый торган, яктырту өчен ярамаган, лампа кирәк. Кайвакытта мондый лампаларның артык кызудан ябыштырып куелган тимер цокольләре пыяла колбадан купкан була. Барометр өчен әнә шундый лампа булса яхшы. Шундый лампадан аның тимер цоколен алып ташлыйбыз. Барометр өчен пыяла колбасы гына кирәк. Шушы колбаны чиләктәге су эченә тыгып, колба очындагы нечкә пыяла көпшәне сындырырабыз. Шуннан соң су колба эченә үзеннән үзе керәчәк. Колба су белән тулмас. Аның күпме өлешенә су тулды? Моны хәбәр итәргә онытмагыз. Су ни өчен колбага керде? Ни өчен колба су белән тулмады? Барометр ясау өчен колбаны тулганчы су белән тутырырга кирәк. Ничек итеп тутырдыгыз, бу турыда да язарга онытмагыз. Хәзер су белән тулы колбаны җеп яки тимер чыбык белән бәйләп, тишек ягын аска каратып, кая да булса элеп куярга кирәк.
Әгәр колбаның нечкә көпшәсе дөрес ватылган булса, колбадан су акмас. Колба астына бер бит кәгазь куегыз. Барометр әзер. Икенче көнне иртә белән карарга кирәк. әгәр кәгазь әз генә юешләнгән булса (димәк колбадан берничә тамчы су тамган), димәк көндез яңгыр яваачак яки буран булыр.
Әгәр кәгазь кисәге коры булса, көн аяз була дип ышанып әйтә алабыз.
Эш нәтиҗәләрен җентекләп язып җибәрегез.
|
|
| |  |
|  |
 |  |  |
|